Հոկտեմբեր 9-ը` Հայաստանի լեռներու եւ եռնագնացներու օր

Երրորդ տարին ըլլալով Հոկտեմբեր 9-ը կը նշուի որպէս Հայաստանի լեռներու եւ լեռնագնացներու օր: Այդ նախաձեռնութեամբ 2013 թուականին հանդէս եկած է Ալպինիզմի եւ լեռնային զբօսաշրջութեան հայկական ֆետերասիոնը:

Այսօր ֆետերասիոնը անդամները կ’ամփոփեն 2015-ի առաջին կիսամեակի արդիւնքները, կը յայտարարուին «Մարդը լեռներու մէջ» լուսանկարչութեան մրցոյթի յաղթողներուն անունները, իսկ միջազգային վերելքներու մասնակիցները կը ստանան իրենց վկայականները:

Ինչո՞ւ  ընտրուած է Հոկտեմբեր 9-ը: Շատեր տեղեակ են, որ 1829-ի Հոկտեմբեր 9-ին (հին տոմարով` Սեպտեմբեր 27-ին) Դորպատի (այժմ` Տարտու) համալսարանի փրոֆէսոր Ֆ. Պարրոտի արշաւախումբին հետ Խաչատուր Աբովեան առաջին անգամ վերելք կատարեց Արարատ լերան գագաթը:

Այս տարուան ընթացքին ֆետերասիոնը լուրջ արդիւնքներ արձանագրած է: 2015 թուականի յունուարէն սկսեալ` ֆետերասիոնի անդամները եւ այս մարզաձեւ համախոհները 20 վերելք կատարած են դէպի աշխարհի բարձր կէտերը` Էլպրուս (5642 մ.), Կազբեկ (5033 մ.), Դեմավենտ (5610 մ.) լեռներ: Ընդհանուր առմամբ` վերելքներուն մասնակցած է շուրջ 150 լեռնագնաց: Այս ցուցանիշը աննախադէպ է ֆետերասիոնի համար: Ընդլայնուած է նաեւ ֆետերասիոնի կազմը, որ ունի շուրջ 80 անդամ: Նախապէս անդամներուն թիւը շուրջ 50 էր:

Հարկ է նշել, որ ֆետերասիոնը կը նախապատրաստուի 2016-ին վերելք կատարել Պամիր լեռնաշղթայի 7 հազար մեթր բարձրութիւն ունեցող լեռներէն մէկը: